ОГЛУМГА ЧАГЫЫМ
Амыдырал оруктары берге, оглум!
Ам-даа чаш сээң улуг-үүлең мурнунда хөй! Чаңгыс катап чырык черге чаяаттынгаш Частырыглар кылбазыңны, күзээр-дир мен! Чараш кыстар чүлдү чүрээң хөлзетсе-даа. Чаңгыс шынчы эштиг боорун күзээр-дир мен!
Арны, бажы шоолуг чараш эвес-даа бол. Арын-нүүрү алдын ышкаш кижилер бар! Алыс хөңнү кузум ышкаш кара-даа бол. Арны-бажын чайырлап каан улус чоруур! Оларны сен эки билип, танып албайн.
Сеткил-хөңнүң салым-чолуң хөөрей бербе!
Арын-нүүрү алдын ышкаш кижилерге
Чайгаар дужуп чорууруңну күзээр-дир мен! Орук ара тайып ушкаш, дыңна оглум!
Орук тайгыр хайлыг-дыр деп хомудава! Делегейде дески чер чок, дыңна оглум!
Орук туржук чуртталгадан тайып болур! Найырал деп күштүг чүве каяа турар.
Аас-кежик, өөрүшкү-даа найыралда!
Ынчангаштың өөрүң-биле найыралың
Кажанда-даа кошкатпазын күзээр-дир мен Октаргайны кара булут дуглап албайн
Хаяалыг хүн кезээ мөңге чырып чорзун! Өртемчейде эң-не эргим оглум сеңээ,
Кара сеткил муңгаралдар турбас болзун! Ынакшылды уткуп аар дээш, далашпас сен! Ынакшылдан ойлап дезер аргаң-даа чок! Эрте частың чайгаар дүжүп келири дег
Эжииң соктап моорлап келир аалчың ол-дур! Чагыг-сөзүм ажыр көрбейн, дыңна оглум!
Алызында бодуңга сээ херек апаар!
Өртемчейде бар-ла шупту эки чүүлдү
Өөрүшкүм, оглум сеңээ сөңнээр-дир мен! Амыдырал оруктары берге оглум!
Аныяк сээң улуг үүлең мурнуңда хөй!
Амыдырал оруктары берге-даа бол,
Аас-кежииң оглум сенээ йөрээп чор мен!